4-мин мизи мудаввари чамъбастии лоиҳаи UNICAC ДИС ДДТТ
Лоиҳаи UNICAC дар Донишкадаи иқтисод ва савдои ДДТТ аз соли 2019 амалӣ мегардад. Тавассути ин Лоиҳа, Донишкада ба яке аз донишгоҳҳои байналмилалии бонуфузи кишвар мубаддал гардида, айни замон амалишавии Лоиҳа идома дорад.
Санаи 25 августи соли 2022, 4-мин мизи мудаввари чамъбастии лоиҳаи UNICAC баргузор гардид. Дар ин чорабинӣ беш аз 110 нафар иштирокчиён, аз ҷумла ҳайати омузгорону профессорон, кормандони маъмурият, донишҷӯён, хатмкунандагон ва омӯзгорони муассисаҳои таҳсилоти умумӣ, ва дигарон иштирок карданд.
Мизи мудаввар дар ДИС ДДТТ дар шаҳри Хуҷанд дар ҳамкорӣ бо Раёсати маорифи вилояти Суғд баргузор гардид. Бо сухани ифтитоҳӣ директори ДИС ДДТТ н.и.и., дотсент Ҳошимзода Ҳомид Ҳасан чорабиниро оғоз намуда, ҷанбаҳои умумии рушди донишгоҳ, сиёсати байналмилаликунонии он, нақши лоиҳаи UNICAC дар ДИС ДДТТ ва расидан ба ҳадафҳои гузошташударо зикр намуд. Муовини директор оид ба илм ва робитаҳои байналмилалӣ н.и.и., дотсент Далерҷон Мирпочоев доир ба мавзӯи “Интернационализатсияи ДИС ДДТТ: имрӯз ва фардо” баромад намуд. Дар маърӯзаи худ вазъияти ҳозираи интернационализация, мақсадҳои стратегӣ ва аҳамияти интернационализацияро дар замони ҳозира баррасӣ намуд.
Дар ин чорабинӣ UNICAC ва 11 созмони шарикӣ оид ба таъсиси шабака, яъне шабакаи байниминтақавии ҳамкорӣ дар соҳаи байналмиллалӣ кор ва фаъолият бурда истодаанд, ки ин идомаи Лоиҳа хоҳад буд ва он устувории Лоиҳаро кафолат медиҳад. Илова бар ин, дар бораи ҳамкорӣ бо донишгоҳҳои консорсиумҳои берун аз UNICAC ва мобилияти кӯтоҳмуддати UNICAC, ки ба наздикӣ амалӣ карда шуд ба мо ҳамоҳангсози лоиҳаҳои институтсионалӣ Саидқосим Мухторов хабар дод.
Қисми дуюми мизи мудаввар бо табодули таҷрибаҳои донишҷӯён, устодон, ки дар давоми мубодилаи кӯтоҳмуддати UNICAC гирифтаанд, бахшида шуд.
Мудири кафедраи иқтисодиёти ҷаҳон н.и.и., Шоира Муҳитдинова, муаллимаи кафедраи иқтисодиёти ҷаҳон н.и.и., Анастасия Комарова ва магистранти ДИС ДДТТ Нигора Шамсиева дар доираи Лоиҳа ба Донишгоҳи Турин, Италия сафар намуданд. Таҳсил ва таҷрибаомӯзӣ дар факултети менеҷмент ва иқтисоди Донишгоҳи Турин ба онҳо дониши пурарзиш дод. Инчунин таҳсили онҳо бо фаъолияти дигар оид ба мавзуи: “Омӯзиши амалӣ дар идораи муносибатҳои байналмилалӣ” пайваста шуд.
Мудири шуъбаи илм ва инноватсия н.и.ф., Фаррухҷон Камолов, муаллими калони кафедраи забонҳои хориҷӣ Чинорой Давлатова ва донишҷӯи ДИС ДДТТ Камолиддин Аминзода таҷрибаи худро ба Донишгоҳи Севиля, шаҳри Севиляи Испания гузаронданд. Таҳсил ва таҷрибаомӯзӣ дар факултети иқтисод ва ҳуқуқшиносӣ ва китобхонаи Донишгоҳи Севиля ба онҳо таассуроти наҷиб бахшид. Инчунин ҳамаи иштирокчиён имкони иштирок дар “Ҳафтаи байналмилалии кормандони Донишгоҳи Севиля”-ро пайдо намуданд.
Муаллимаи калони кафедраи иқтисодиёти ҷаҳон Шоира Азизова, муаллимаи калони кафедраи забонҳои хориҷӣ Сарварой Мақсудова ва мудири шуъбаи робитаҳои байналмилалӣ Саидқосим Мухторов дар бораи таҳсилоти Финландия, иштирок дар дарсҳо ва табодули таҷрибаи пешқадам бо ҳайати омӯзгорони Лауреа нақл карданд. Саидқосим Мухторов дар баромади худ зикр кард, ки моҳи сентябр ҳаракати охирини донишҷӯи магистри ДИС ДДТТ-ро Зебинисо Аҳмадҷоноваро ба Лауреа интизорем.
Хатмкунандагони минбаъдаи International Credit Mobility KA107, (донишҷӯён ва ҳайати омӯзгорон) ДИС ДДТТ дар бораи таҳсили худ дар донишгоҳҳои шарик сӯҳбат карданд.
